Nak Mudah Beyeei Ie PAM, PDAM Tirta Peusada Geukeuruja Saban Ngen Pos Indonesia

  • Share

PATberita | Aceh Timur – Nak mudah bayeei rekning ie PAM, PDAM Tirta Peusada Aceh Timu lam watei toe nyoe akan geuteken keruja saban ngen PT. Pos Indonesia (PERSERO). Atanyan geupeusampoe lam kunjungan Tim PT. Pos Indonesia Cabang Langsa u kanto PDAM di Keude Dua, bak uroe Selasa (23/03/2021) baroe sa.

Direktur PDAM Tirta Peusada Aceh Timur, Iskandar, SH bak watei kunjungannya geupeugah, tujuan kereuja saban nyoe geupeugoet supaya pelanggan PDAM Tirta Peusada nak mudah bak geubayeu rekning ie PAM. “Ngen na keruja saban nyoe, bandum pelanggan PDAM ukue nyoe juet bayei rekning ie bak kanto pos,” peugah Iskandar.

Kepala Kanto Pos Indonesia Cabang Langsa, Yasin H. Ismail nyang gedampeng uleh Maneger Jasa Keuangan Darma Purba, dan Kepala Kanto Pos Idi Rayeuk Herwansayah, lam kunjungannyan geupeugah, menye keruja saban nyan kasampoe bak mkasud.

”Eenteuk mandum pelanggan PDAM Tirta Peusada juet geubayeu rekning ie bak kanto pos nyang toe, bak agen pos ngen bak aplikasi pos giro nyang na bak hape android,” meunan geupeusampoe uleh Yasin.

Yasin geupeugah lom, bahwa lam watei toe nyoe pihak gopnyan ngen pihak PDAM Tirta Peusada akan geuteken MoU keruja saban tentang juet bayei ie PAM bak kanto Pos ban saboh Indonesia. (*)

  • Share

Leave a Reply

Your email address will not be published. Required fields are marked *