Ohleuh “Teng Paneng”, Bang Gaes Musisi Asai Bagok Akan Gepeuteubit Lagu “Poh Bandet”

  • Share

“Bandet kota ube raya mbong
Bandet gampong peudeuh gaya
Bandet pasai reman meuhambo
Bandet kanto nyang cok laba”……………

PATberita | Aceh Timu – Oh leuh sukses geupeuteubit single Balada Aceh nyang phon Pap Leumo, dan sibuluen nyang ka ulikot sukses chiet ngen single Teng Paneng. Lam watei toe nyoe Mai Munzir atau Bang Gaes sidroe musisi kelahiran Bagok, akan geurilis single balada Aceh nyang keu lhee dengen judul jih Poh Bandet.

Single Balada Aceh Poh Badet, nakeuh saboh lagu hase karangan Nazar Syahalam atawa vokalis Apache 13. Geupeugah uleh Mai Munzir, cae lam lagu nyan punoh ngen kritik keu urueng-urueng nyang akai membandet.

“Bek salah paham, cae lagu poh bandet nyoe hana lucah, tapi na kritik bacut ke urueng nyang akai lageei bandet bak akhe jameun, karena bandet nyan hana meuceh meuwajah seram legei lam film-film na chiet bandet nyang pura-pura sopan, tapi akai sep na meubandet,” meunan geupeugah le Mai Munzir.

Main Munzir atau sereng geumeuhei Bang Gaes geupeugah lom, lagu Poh Bandet nyan akan geureukam bak Studio Sa Banda Aceh, Musik jih geupeugoet uleh Nazar Syahalam, Mai Munzir dan Zeil Afief. Rencana jih video klip lagu Poh Bandet akan geucok lokasi di padum-padum kota, termasuk termasuk di tanoh kelahiran gopnyan Aceh Timu.

Preh bak youtube Mai Munzir lagu Poh Banded ngen irama balada nyang cukop mangat bak tadengo. Su serak Bang Gaes akan meuhambo lam belantara musik Aceh masa jinoe. (*)

 

  • Share

Leave a Reply

Your email address will not be published. Required fields are marked *