PDAM Ka Meuploh Thon, Warga Idi Geutanyoeng Pajan Trok Ie PDAM U Tanoh Anoe

  • Share

PATberita | Idi Rayeuk – Nyoe teungoh musem khueng, masyarakat nyang tinggai di sekitar Ibu Kota Aceh Timu, Idi Rayeuk, memang cukop susah ie gleh. Lagei Bak Dusun Amiruddin Gampong Tanoh Anoe, disinan ie moen kuneng, ie boe kuneng, pokok jih cukop susah keu ie gleh.

Masyarakat gampong nyan geutanyoeng bak Pomerintah Aceh Timu, atawa bak PDAM Tirta Peusada Aceh Timu, pajan trok ie PAM u gampong nyan.

“Sedangkan PDAM Aceh Timu ka meuploh thon kana, tapi sampoe uroe nyoe kamoe di Gampong Tanoh Anoe hana meurasa ie PAM dari PDAM Aceh Timu, kiban cara?,” meunan Geupeugah uleh salah sidroe Tokoh Masyarakat Idi, Zainuddin, S. Sos, bak PATberita, bak uroe Hameh (25/03/2021).

Geupeugah uleh Zainauddin, khusus jih bak Dusun Amiruddin Gampong Tanoh Anoe, memang cukop susah ie gleh, karena di daerah nyan ie moen kuneng, ie boe pih kuneng, jadi untuk manoe ngen maguen, seumeurah payah bloe ie sabe bak becak.

“Kamoe warga Gampong Tanoh Anoe cukop brat meuharap bak PDAM Aceh Timu, beu geutem pasang pipa beutrok u Tanoh Anoe, kamoe dengo u Gampong Jawa sebagian katrok. Jadi u Tanoh Anoe beutrok chiet,” peugah Zainuddin.

Haba nyan geujaweub le Direktur PDAM Tirta Peusada Aceh Timu, Iskandar, SH, geupeugah le gopnyan, untuk daerah tanoh anoe hana pipa lom keunan. “Lagei u Gampong Jawa nyan kana pipa awai tapeugoet balek,” peugah le Iskandar.

Gopnyan geumeujanji, bak thoen 2022, oh leuh meusambong dari IPA Buket Takteh Ranto Peureulak, nyan kana ie PAM u bandum Kota Idi. “Insya Allah bak thoen 2022 nyan ka maksimal ie PAM u Kota Idi. Tengoh nyoe nyang toe toe ngen Meuseujid Agong legei gampong jawa nyan juet tafungsikan pipa ditribusi nyang kana awai,” meunan keuh jaweub le Iskandar. (*)

  • Share

Leave a Reply

Your email address will not be published. Required fields are marked *