Reuloh Stior, Moto Geureubak Me Barang Jipok Trotoar Jalan

  • Share

PATberita|Aceh Timur- Memang menye keunuek naas hana pat taelak, na saja, gara -gara reuloh ketrik stior, moto geureubak me barang BL 8547 EA dari Medan ijak u arah Banda Aceh, trok u keude Idi Rayeuk, Aceh Timur, arah blah roet barat terminal Idi, bak uroe Hameh (25/03/2021) suboh, ka jipok trotoar jalan.

Tiang lampu jalan ngen trotoar jalan dua jalur Kota Idi anco, moto gereubaknyan meusangkot ateuh trotoar jalan. Menurot cerita super moto geureubak nyan bak Polisi Lalu lintas, geupagah segolom kejadian moto gopnyan me jijak bacut-bacut. Ban lewat terminal kretik stior  kareuloh.

Watei nyan keuh supir han ek kendali le, stior han ek puta ka kreuh. Sehingga moto langsong jipok trotoar ngen tiang lampu. Suu meukutum raya that, abeh jaga urueng teungoh tenget lam keude Idi bak suboh nyan.

Hana nyang luka bak kecelakaannya, tapi le sang rugoe, karena tiang lampu jalan reubah, trotoar anco, dan moto nyan pih brat reuloh, selende ngen minyeuk ka roe bak jalan. Untong moto geureubak nyan hana meubalek.

Peristiwa kecelakaannya ka jitangani uleh Satuan Lantas Polres Aceh Timur. Hingga berita nyoe jiteubiet moto barangnya golom jitarek manteng teudong bak tengoh trotoar jalan di sinan. (*)

  • Share

Leave a Reply

Your email address will not be published. Required fields are marked *